మమత కలిగి మసలండి
మీ హృదయ పరిమళమై
నిండి ఉంటాను
మీ మతాల , హితాల
హేతువాదాలతో
నన్ను పరిమితించ
ప్రయత్నించకండి
మీరే దేశమేగినా
ప్రవక్తలుగా ప్రవచించినా
కవులుగా కవన హారతులు పట్టినా
మీరంతా
వెదికేది
తుదకు నా చిరునామానే
నా వొడిలోనే
ఆదమరచి
నిదురించాలనే
మీ ప్రయత్నాలన్నీ
గమనిస్తూనే ఉంటాను
నన్ను మీరు చేరుకోవడమంటే
మిమ్మల్ని మీరు కనుగొన్నట్టే
అందుకే మీ ప్రయత్నాలన్నీ
చూస్తూ
బాల్య చేష్టలు చూసి
చిర్నవ్వే కన్నతల్లిలా
మిమ్మల్ని సేద తీర్చే
ఒడి నా దేనని
మీరే తెలుసుకుని
వచ్చే దాక
కనురెప్ప గాస్తూ
ఎదురు చూస్తాను
అలసి సొలసి మీరు
నా చల్లని ఒడిలో
ఒదిగి పోయిన క్షణం
మిమ్మల్ని మనసార
ఆశీర్వదిస్తాను
అమ్మ మనసుతో
ప్రేమాయుష్మాన్భవ !!!
(ప్రేమే మనతో మాట్లాడితే ఇలాగే అంటుంది )
ప్రేమతో.......జగతి
వాలెంటైన్స్ డే సందర్భంగా అందరికీ ఈ నా ప్రేమ పూరిత అభినందన !!!
నన్ను మీరు చేరుకోవడమంటే
ReplyDeleteమిమ్మల్ని మీరు కనుగొన్నట్టే
నిజం అమ్మ ...ఇందులో ఎలాంటి సందేహం లేదు.