ముఖ చిత్ర కూడలి
ఇక్కదందరివీ ముఖ పరిచయాలే
కొందరివి అసలు ముఖాలైతే
కొందరివి తగిలించుకున్నవి
మనసులు విప్పి మాటాడుకునే వారు
కొందరైతే ఇతరుల మనసులు
తెలుసుకునే ప్రయత్నం
మరి కొందరిది
అందరకి ఒక్కటే సారూప్యత
ఒకరి గురించి
మరొకరు
తెలుసుకోవాలని
పరిచయమవ్వాలని
మొహమాటాలు వీడి
ప్రేమ పంచేవారు కొందరు
స్నేహ పరిమళాన్ని
వెదజల్లే వారింకొందరు
అన్ని వయసుల వారికీ
ఒంటరితనం మరిపించే
ఇదొక చౌరస్తా కూడలి
ఎన్నెన్నో మనసులకిది
భావాల వారధి
కవితలై కరిగిపోతున్నా
మాటలై మంచి పంచుకున్న
హృదయ సంద్రాలు దాటి
మమత తీరాలు
చేరే మాటల
చిత్ర కూటమి ఇది
ఇక్కడ
ఈ గనిలో
నీకో చిక్కని
కవితల చక్కని
వజ్రాలు దొరుకుతాయి
సమాజ హితాల
శ్రేయోభిలాషులు ఉంటారు
విశ్వాన్ని పలుదిక్కులనుండి
మీటతో పలకరించే
మాటకారులుంటారు
సకల సాహిత్య
సమ్మేళన కర్తలు ఉంటారు
ఒకనాడు కలసి కూర్చుని
ఆడుకునే కబుర్లు
ఇవాళ ఎవరింట్లో వారే
కూర్చొని ఇతరులతో
మాటాడు కుంటున్నారు
ఒక్క రోజు మరొకరు
కనిపించకపోతే
కలవర పడి
వెతుక్కుంటున్నారు
మనిషి మాటకోసం
ఎంత మొహం
వాచి ఉన్నాడో
మనసెంత వ్యక్తీకరించాలని
తాపత్రయ పడుతున్నాడో
అందుకు నిట్ట నిలువు
అద్దం
ఈ ముఖ చిత్రం
ఎక్కడినుండో మిత్రులని
కలుపుతుంది
కొత్త మిత్రులని
చేరుస్తుంది
అందుకే ఇటీవల
ఎవర్ని చూసినా
ముఖ చిత్ర కూడలిలో
కలిసిన వాళ్ళకి మల్లె
అగుపిస్తున్నారు......ప్రేమతో....జగతి
పేస్ బుక్ గురించి మీరు రాసిన కవిత చాల చక్కగా సరిపోయింది. ప్రతి వాక్యం నిజం
ReplyDeleteఅన్ని వయసుల వారికీ
ఒంటరితనం మరిపించే
ఇదొక చౌరస్తా కూడలి
nijamga nijam idi
baagaa chepparu baavundi
ReplyDelete"ఒకరు కనబడక పోతే మరొకరు కలవర పడి వెతుక్కుంటున్నారు"
ReplyDelete"మనసెంత వ్యక్తికరిమ్చాలనుకున్తున్నడో "
"కలసిన వారికీ మల్లె కనిపిస్తున్నారు"
.....చెప్పాలంటే మీరు రాసిన ప్రతి వ్యాక్యం ఇక్కడ మళ్లి రాయాలి ....ఎంత చక్కగా స్పష్టము గా నిజాన్ని చెప్పారు మాడం గారు
....ఇది చదవటం నమనసును నేను చదివి నట్లే వున్నది ...ధన్యవాదములు -Msrk.
ఒక్క రోజు మరొకరు
ReplyDeleteకనిపించకపోతే
కలవర పడి
వెతుక్కుంటున్నారు... a very subtle expression.. now facebook has become an identity.. a new breed of facebookians has emerged.. very nice presentation..