" నాకా, హహ్హ, అన్ని రంగులూ ఇష్టమే ..." అన్నాడతను చూపు ఆమె వైపు తిప్పకుండానే
" అది కాదు , బాగా ఇష్టమైన ర౦గంటూ ఒకటుంటుంది కదా చెప్పవా ప్లీస్"
" నాకలా ఏమీ లేదురా , అయినా అన్ని రంగులూ ఇష్టమే నాకు ఒకో రంగు ఒకో భావ సంకేతం కదా , చిత్రకారుడికి ఏ రంగు అంటూ ప్రత్యేకంగా ఇష్టాలు ఉండవమ్మాయ్ "
" ఎందుకుండవు కొందరి పెయింటింగ్స్ లో బాగా ప్రస్పుటంగా కొన్ని రంగులు కనిపిస్తాయి కదా .."
" హహ అదా అది ఆ చిత్రం బట్టీ ఉంటుంది కానీ రంగు ఇష్టమని కాదమ్మాయ్...అయినా నువు మనసు పెట్టి చూడు నా చిత్రాలని అప్పుడు నా మార్క్ నీకు అర్ధమౌతుంది "
" మాకంతా గ్యానం లేదు లే స్వామి ... ఏదో మీరు చెప్తున్నారు కదా తెలుసుకుందామని ...."
" ఉరికే తెలుసుకోవడానికేనా ఇంకేమీ లేదా ...మొద్దూ " ఆమె నెత్తి మీద చిన్నగా మొట్టి కాయ్ వేసాడు.
" అబ్బా! కొట్టకు నాయనా ..." బుంగ మూతితో సవరించుకుంది తల.
" అబ్బ అంత చిన్న దెబ్బకే నా సుకుమారీ " నవ్వేడు పకపక, నవ్వేసింది ఆమె కూడా.
" పోనీ ఇది చెప్పు ..నన్ను ఏ రంగులో చూడటానికి ఇష్ట పడతావు ?"
" చెప్పనా ...." మార్దవం అతని గొంతులో
" చెప్పమనే కదా అడిగింది ..."
" ఏ రంగు లోనైనా బాగుంటావు " నవ్వేడు
" ఆహా ! నిజమా వెక్కిరి౦పా ... చెప్పమంటూంటే" అతని జుట్టులో వెళ్ళు పెట్టి సున్నితంగా కదిలించింది
" హా చెప్తా ! నాకు నిన్నూ నీ రంగులోనే చూడటం ఇష్టం " కొంటె గా నవ్వేడు
" అంటే ? ఓహ్! ఛీ పో అల్లరీ ... ఎవరికైనా వాళ్ల ప్రియమైన వారు ఏ రంగు లో బాగుంటారో అని ఉంటుంది కదా అని అడిగానమ్మా...అల్లరీ "
" నే చెప్పా కదా మరీ " బుద్ధిగా చూస్తూ అన్నాడు
" అదా చెప్పడమంటే పో ....నీకు నేనంటే ఎగతాళి " ఉడుక్కుంది
" లేదురా! నిజమే చెప్తున్నా రోజంతా ఈ రంగుల్లో మునిగి తేలే నాకు అతి సహజమైన స్వచ్చమైన నీ మనసు రంగంటేనే ఇష్టం ... అర్ధం చేసుకోవాలి మరి మా మనసూ కాస్త "
" ఏయ్ నిజమా ! అసహజంగా ఉండటం నాకు చేతకాని పని కదా మరి " అతను తల తిప్పి ఆమె నుదుటి మీద చిన్నగా ముద్దు పెట్టేడు
" అందుకేగా అమ్మాయ్ గారిని ఇంత ప్రేమించేది మరి "
" అబ్బో ఇదంతా ప్రేమే ... ఇదీ ఓ రంగుల కలేనేమో , చిత్రమేనేమో కదూ " అతని చేతుల్లో ఇమిడి పోతూ అంది
" కల కాదు కల నిజమైన అందమైన అపురూప సజీవ చిత్రం, ఇప్పటికైనా అర్ధమైందా ...మోద్దమ్మాయ్ కి " ఆమె లో కలిసిపోతూ కరిగి పోతూ మత్తుగా పలికాయి మాటలు . నిశ్సబ్దంగా చిత్రాలన్నీ వారిద్దరినీ పరికిస్తూ ఉండి పోయాయి , వాటికే మాటలొస్తే ఏమనేవో వారి అనురాగ సంగమాన్ని చూసి !!!
..............................
No comments:
Post a Comment