సంధి ...

ఓటమికీ గెలుపుకీ

తేడా లేని ఓ సందిగ్ధ స్థితిలో 

మాటకీ మౌనానికీ 

ఒకటే అర్ధమున్న 

అబేధం లో 

అంగీకార

తిరస్కార పద ముద్రలతో 

నలిగి నలిగి ఉన్న 

హృదయావరణం 

మైల పడుతూ 

గాయపడుతూ 

కూడా ఏదో చెయ్యాలనే 

ఇంగితం ....

ఇంకా చావని ఆశా పాశం 

విశ్వాసాల అపనమ్మకాల 

అసనిపాతాలలో...

కమ్ముకున్న విషవాయువులను

చీలుస్తూ ఎక్కడినుండో 

ఏ చీకటి హృది లోనో 

మేల్కాంచిన ఓ చివురు మెరుపు 

ఓ ప్రాణ భిక్ష ...

అనుబంధాలు మోసం చేసినా 

అక్షరాలూ చెయ్యవన్న 

పరిపూర్ణ విశ్వాసం తో ......

 ఓ కమ్మని తేనియల 

ప్రాణ ప్రసూనం 

అరవిరిసి అందంగా 

తనని వెతుక్కోమని 

దోబూచులాడుతూ 

కవ్విస్తూ ....బతికిస్తూ ...!!! 

......................................ప్రేమతో ....జగతి 9.40pm Wednesday 4th July 2012